Ambassador sang European Union, ginakahangaw-an ang nangin aksyon sang China sa ginpatigayon nga RoRe Mission sang Pilipinas

ROXAS CITY – Ginakahangaw-an sa karon sang European Union (EU) ang panibag-o nga aksyon sang China sa RoRe mission sang Pilipinas malapit sa Second Thomas Shoal.

Ginpahayag ni EU Ambassador Luc Veron nga bangud sa peligroso nga maniobra sang barko sang China, nag-angkon sang damages ang mga barko sang Pilipinas kag na-delay ang maritime operations sa Exclusive Economic Zone (EEZ) sang Pilipinas.

Ginsiling sang EU nga indi makatarungan ang pagpang-harass sang China Coast Guard kag Chinese militia vessels sa South China Sea kag sa iban pa nga lugar.

Nanindugan ang EU sa pagsuporta sini sa international law kag sa malinong nga pamaagi sa pagresolba sa mga isyu sa West Philippine Sea.