American Basketball player Bennie Boatwright, kumpiyansya sa naturalization sang Gilas Pilipinas sa pagbalik sini sa PBA

Kumpiyansa ang American Basketball player nga si Bennie Boatwright nga mabalik sa husto nga direksyon ang iya naturalization process kasunod sang iya pagbalik sa Pilipinas.

Katuyuan sang naturalization ni Boatwright nga mangin kwalipikado ini nga makahampang sa Gilas Pilipinas.

Matandaan nga ang proseso gin-umpisahan sang 2024 paagi sa isa ka hagna nga gin-file ni Former Senador Sonny Angara, apang na-delay pagkatapos sang iya Achilles injury kag pila ka mga isyu sa iya pagtambong sa Senate hearing.

Suno kay Boatwright, padayon siya nga nagalaum kag nagahanda samtang nagahulat sang masunod nga tikang sa proseso.