-- ADVERTISEMENT --
Nagapanguna ang American singer-songwriter nga si Taylor Swift nga maypinakadamo nga nominasyon sa American Music Award.
May kabug-usan ini nga walo ka nominasyon lakip ang Artist of the Year, Song of the Year nga “The Fate of Ophelia” kag Album of the Year nomination nga “The Life of a Showgirl”.
Matandaan nga sang nagligad nga tuig, si Taylor man ang may pinakamadamo nga AMA wins kon ipaangid sa iban nga mga singer.
Ginsundan ini nanday Sabrina Carpenter, Olivia Dean, SOMBR kag Morgan Wallen nga may pito ka nominasyon kada isa.
Ang awarding ceremony pagahiwaton sa Mayo 25 sa Las Vegas, kon sa diin ang actress kag singer nga si Queen Latifah ang napilian nga mangin host.
-- ADVERTISEMENT --
