ROXAS CITY – Dako ang bulig para sa mga rebelde nga grupo ang Amnestry Program nga ginpirmahan sang damlag lang ni Presidente Ferdinand “Bongbong” Marcos Jr.
Sa interview sang Bombo Radyo kay Lt. Col. Jay Javines tagpamaba sang 3ID Philippine Army ginpahayag sini nga ang nasambit nga programa may tinutuyo nga mahatagan sang amnestiya ang mga rebelde nga grupo nga luyag liwat magbaliksa sabak sang gobyerno.
Suno kay Javines, indi sakop sang direktiba ang mga rebelde nga nakahimo sang kidnap for ransom, massacre, rape, terrorism, crimes committed against chastity.
Kalakip man sa mga gintan-ayan sang amu nga amnestiya ang mga miyembro sang Communist Party of the Philippines-New People’s Army-National Democratic Front (CPP-NPA-NDF), Rebolusyonaryong Partido ng Manggagawa ng Pilipinas/Revolutionary Proletarian Army/Alex Boncayao Brigade; Moro Islamic Liberation Front kag Moro National liberation Front.
Matandaan nga sadtong 2021, ginhatagan sang amnestiya ni anay Presidente Rodrigo Duterte ang pila ka mga miyembro sang mga rebelde nga grupo nga nakahimo sang krimen bangud sa ila ginapatihan angut sa political.
