Ginkumpirmar ni Senador Jinggoy Estrada nga ginkastigo ang iya anak kag hinablos sang tatlo ka lalaki nga local residents sang Boracay kahapon sang kaagahon, Mayo 24, subong nga tuig.
Base sa panaysayon sang mga biktima, papauli na kuntani ang duha gikan sa ilimnan sang ginsulong sang mga suspetsado halin sa likod. Suno kay Estrada nga ginhambalan sang isa sa mga nag-atake ang iya hinablos nga “Arogante ka gid.”
Ginpahayag man sang senador nga wala sang komprontasyon sa tunga sang mga biktima kag sang suspek sa sulod sang ilimnan, kag ini ang mapamatud-an sa CCTV footage nga ila nakolekta gikan sa lugar sang insidente.
Naigo sa ulo kag nabali ang kuko sa tiil sang bata ni Estrada matapos makapila ka beses nga ginsipa kag dayon natumba samtang ang hinablos sini ang nag-angkon sang pilas sa ilong kag nagapaayo subong sa isa ka ospital.
Samtang, suno sa Senador, gilayon ini nga naglupad padulong sa Boracay kahapon agud magpasaka sang kaso batok sa mga indibidwal nga naulamid.
