Anak, nagparekord sa Roxas City PNP matapos ginkastigo sang amay

ROXAS CITY – Nagpalanakit ang lawas sang 19 anyos nga lalaki matapos ginaalegar ginsakit sang iya kaugalingon nga amay sa Barangay Banica, Roxas City.

Ginkilala ang biktima nga si Gino Aguirre, residente sang nasambit man nga lugar.

Base sa ginaparekord ni Aguirre, naglaong siya sa iya amay nga si Nobbie Aguirre, 47 anyos nga magahalin na siya sa poder sini bangud may yara naman ini sang anak.

Apang bangud sa posibilidad nga wala ini nagustuhan sang iya amay, ginaalegar sini nga siya ang ginkastigo.

Gindugang pa sang bataon nga Aguirre nga naigu pa ang iya anak sa pagpangastigo sang iya nga amay.