-- ADVERTISEMENT --
ROXAS CITY – Yara sa kostodiya sang Ivisan Municipal Police Station ang 18-anyos nga anak matapos sumbagon ang kaugalingon nga amay sa Barangay Malocloc Norte, Ivisan, Capiz.
Naghubag ang nawala nga nawong sang amay nga si Roel Agar bangud sa mabaskog nga sumbag sang anak nga si Jeric Agar nga ginsiling yara sa impluwensiya sang makahulubog nga ilimnon.
Ba-se sa inisyal nga imbestigasyon sang Ivisan PNP ginsaway sang biktima ang iya anak kag ginhambalan nga indi na magguwa bangud nagsugod na ang curfew hour.
Apang sa baylo nga magpamati sa panugyan sang amay, ginkaakig ini sang bata kag hinali na lamang nga ginsumbag ang biktima sa nawala nga nawong.
