Anak nga nagsunog sang ila balay, ginpasakaan na sang panumbungon nga arson

ROXAS CITY – Napasakaan na sang panumbungon nga arson ang anak nga suspek nga nagsunog sang ila balay sa Barangay Ambilay, Panitan, Capiz.

Nahibaluan nga totally burned ang balay ni Marilyn Distor matapos nga ginsunog sang iya anak nga si Ryan Distor.

Ba-se sa imbestigasyon may nakasaksi sa pagbubo sang gasolina kag pagsunog sang suspek sa ila balay.

Ginabulubanta nga kapin sa P100,000 ang nangin kahalitan sang amo nga sunog.

Ginaalegar nga may ginasuprer nga problema sa paminsaron ang suspek nga nakahunong na karon sa karsel sang Panitan PNP.