ROXAS CITY – Pilason ang isa ka 25-anyos nga lalaki matapos nga ginaalegar ginbuno sang kaugalingon nga amay sa Barangay Ilaya, Ivisan, Capiz.
Ginkilala ang biktima nga si John Mark Varcas sang nasambit nga lugar.
Sandig sa inisyal nga imbestigasyon sang Ivisan Municipal Police Station nga nag-angkon sang pagbinaisay ang biktima kag amay sini nga si John Varcas 49-anyos sang nasambit nga barangay.
Bangud sa mainit nga komprontasyon, hinali na lamang nga nagkuha sang kutsilyo ang biktima sa diin ginbuno sang amay ang iya kaugalingon nga anak.
Nag-angkon naman sang pilas sa kilid ang nasambit nga biktima nga gilayon naman gindala sa ospital agud dapatan sang nagakaigo nga pagbulong.
Sa karon, nakahunong na sa karsel sang Ivisan Municipal Police Station ang nasambit nga suspek.
