DAO, CAPIZ – Nag-angkon sang duha ka pilas sa ulo tuga sang pagpanglabo ang isa ka 20-anyos nga anak matapos nga ginaalegar ginlabo sang iya amay sa Barangay Centro, Dao, Capiz.
Ginkilala ang biktima kay Kyle Bryan Diaz sang nasambit nga lugar.
Base sa inisyal nga imbestigasyon sang Dao PNP nga samtang naga-inom ang biktima kag amay sini nga si Gesal Diaz 45-anyos sang hinali na lamang nga nag-angkon sang pagbinaisay ang duha rason nga ginsumbag ni Bryan ang iya amay.
Bangud diri, nagkuha sang binangon si Gesal kag ginlabo ang anak.
Nag-angkon naman sang pilas sa ulo si Bryan kag gilayon nga gindala sa ospital matapos ang insidente.
Samtang, nagapabilin naman sa kustodiya sang Dao Municipal Police Station si Gesal para sa nagakaigo nga disposisyon.
