ROXAS CITY – Dakup ang anak sang punong barangay kag duha ka iban pa sa separado nga drug buy bust operation nga ginpatigayon sang Provincial Drug Enforcement Unit (PDEU) sa Barangay 7 at Barangay 5, Roxas City.
Yara na sa kostodiya sang pulisya si Restituto Oquendo Jr., 41-anyos, anak ni punong barangay Resty Oquendo sang Barangay Hipona, Pontevedra, Capiz kag Ace Baes 37-anyos sang Barangay Lawaan, Roxas City, isa ka security guard matapos naaresto sa operasyon sang PDEU sa nalikod nga bahin sang isa ka hardware sa Barangay 7, Roxas City.
Narekober sa posesyon sang duha ang lima ka sachet sang ginapatihan shabu, cellphone, P1,000 nga cash gikan kay Oquendo, P500 nga marked money kag motorsiklo.
Samantala matapos isugid ni Oquendo kay Senior Inspector Hilbert Gervero, pinuno sang PDEU kun diin sini ginkuha ang supply sang droga gilayon nakigtransaksyon kay Andrew Patiño nga wala sang ihibalo nga pulis na ang iya nga kaestorya.
Sa pagpati ni Patiño nga kasubong sini nga drug personality ang ka-transaksyon gilayon ini nga nakigkita nakipagkita, apang nakibot na lamang ini sang magpakilala nga pulis ang iya kaatubang.
Ulihi na para makadalagan ang drug personality nga gilayon gin-aresto sang mga pulis.
Nakuha sa posesyon ni Patiño ang apat ka sachet sang ginapatihan shabu, digital weighing scale, lighter kag motorsiklo
