Dismayado ang Anakbayan sa pag-aprubar sang Smart kids Act, nga nagadumili sa paggamit sang social media accounts sang mga kabataan nga wala pa naga-edad sang 18-anyos.
Sa idalom sang Smart kids Act amo ang mapabakod ang proteksyon sa mga kabataan batok sa mga peligro nga possible dala sang social media.
Ini kasunod man sang mga mass shooting nga nagakatabo sang pila ka mga eskwelahan sa pungsod.
Sa interview sang Bombo Radyo kay Matt Gonzaga, chairperson sang Anakbayan, iya ginpahayag nga indi ini ang long-term nga solusyon sa nagakatabo nga mass shooting sa mga eskwelahan nga ginakakipan sang mga menor-edad.
Suno kay Gonzaga, kinahanglan usisaon ang pinaka-ugat ukon root cause sang mga insidente imbes nga magpatuman amo nga tikang.
Dugang pa sini, kinahanglan tun-an sang maayo ang amo nga tikang, bangud madamo nga kabataan ang nagagamit sang internet sa ila nga pag-eskwela kag sa trabaho.
