Ginapanindugan sang Anakbayan nga wala sang kinalain ang administrasyon ni President Ferdinand Marcos Jr. sa ginaalegar human rights violation nga natabo sa panahon sang iya amay nga si anay President Ferdinand Marcos Sr.
Sa interview sang Bombo Radyo kay Matt Gonzaga, National Vice President for Visayas sang Anakbayan, iya ginpahayag nga mas naga-antos ang mga Pilipino sa subong bangud sa nagapadayon nga krisis nga gina-eksperyensyahan sang pungsod.
Suno kay Gonzaga, dapat manabat ang mga opisyal sang gobyerno nga responsable sa alegasyon sang korapsyon kag iban pa nga paglapas.
Madumduman nga sa Setyembre 21 pagadumdomon ang ika-54 nga anibersaryo sang pagdeklarar sang Martial Law.
Nagalaum ang grupo nga antes matapos ang tuig, mapanabat man ang mga dapat manabat sa mga isyu nga ila ginapakigbato.
