Ginakabig sang Anakbayan Panay nga mga “band-aid solution” ang mga tikang sa nagapanguna nga isyu sa pungsod nga gintalakay ni President Ferdinand Marcos Jr., sa iya ika-lima nga State of the Nation Address (SONA).
Sa interview sang Bombo Radyo kay Samantha Faye Herbolario, chairperson sang grupo, iya ginpahayag nga para sa ila, temporaryo lamang ang mga solusyon nga ginpresentar sang Presidente kag indi ini makasulbar sa mga nagapanguna nga mga problema sang pungsod.
Suno pa kay Herbolario, apisar gin-anunsyo sang Presidente ang plano nga kuhaon ang system loss charge sa mga balayran sang kuryente, mahal sa gihapon ang presyo sang mga nagapanguna nga balaklon.
Ginpunto man sini nga wala nalakip sa SONA ang isyu sang wage increase, nga isa sa ginalauman sang mga mamumugon.
Sa pihak sang ila mga obserbasyon kag kritisismo, ginpahayag sini nga nangin madinalag-on ang pagpatigayon sang ika-lima nga State of the Nation Address ni President Ferdinand Marcos Jr.
