Nagapati ang AnakBayan Panay nga may salabton si Vice President Sara Duterte may kaangtanan sa mga alegasyon nga ginapangatubang sini.
Sa interview sang Bombo Radyo kay Samantha Faye Herbolario, chairperson sang grupo, iya ginpahayag nga bilang isa sa mga taxpayer sang pungsod, importante nga bantayan sang katawhan ang nagapadayon nga impeachment trial ni VP Sara agud maprotektahan ang interest sang mga Pilipino.
Suno kay Herbolario, kinahanglan nga unahon ang mga polisiya kag desisyon nga makahatag sang kaayuhan sa katawhan.
Dugang pa Herbolario, nga dapat mapabilin ang integridad sang Senado sa pagdumala sang impeachment trial.
Ginpahayag man sini nga bisan pa nga 32 million ka mga botante ang nagsuporta kay VP Sara, kinahanglan sa gihapon niya mag-atubang kag magsabat sa mga alegasyon ilabi na sa mga isyu may kaangtanan sa korapsyon.
