Posible nga permanente nga i-revoke ang driver’s license sang isa ka anay alkalde matapos nag-viral sa social media ang video kun sa diin gin-alegar ginpalagas sini ang isa ka gas attendant.
Suno sa Land Transportation Office (LTO), ginapreparar na ang lifetime revocation sang driver’s license sang anay opisyal kag ang pagbutang sang “alarm” status sa iya salakyan agud indi na ini magamit.
Base sa imbestigasyon, ginpahayag nga nagpatuhong sang gasolina ang anay alkalde apang naghalin nga wala nakabayad rason nga ginlagas siya sang pump attendant nga sakop sang Indigenous Peoples (IP) community.
Nagguwa man nga gin-video ang insidente kag ginhimo nga vlog content.
Nagpaguwa man sang show cause order ang LTO batok sa anay alkalde, driver, kag rehistrado nga tag-iya sang salakyan, samtang ginmanduan naman ang driver nga i-surrender ang iya lisensya nga sa subong yara sa 90-day preventive suspension samtang nagapadayon ang imbestigasyon.
