Ginbuyagyag ni anay Iloilo City Mayor Jed Patrick Mabilog sa House Quad Committee ang tuyo nga pag-ulamid sa administrasyon ni Duterte kanday anay Senators Mar Roxas kag Franklin Drilon sa iligal nga droga.
Suno kay Mabilog, isa ka mataas nga opisyal sang Philippine National Police (PNP) ang nagtimbre sa iya sa plano nga gamiton sya agud itudlo sanday Roxas kag Drilon nga may koneksyon sa illegal drugs.
Dugang pa sini nga ang impormasyon, ginpakigbahin lamang sa iya matapos ganyaton nga magbalik sa pungsod si anay PNP Chief kag sa karun Senator Ronald “Bato” Dela Rosa.
Nagapati siya suno diri nga politika ang rason kabangdanan agud ilakip siya sa listahan sang narco-list kag madamo nga tion nga ginpahog nga patyon ni anay Pangulong Rodrigo Duterte.
Ginatumod ni Mabilog nga ini bangud sa pakaisa niya nga si anay Senate President Franklin Drilon, kung sa diin sa iya man ginpasibangud ang pagkadula sang kuryente samtang may yara sang campaign rally sa Iloilo ang kampo ni Duterte.
Samtang, gintuad man sini nga ang kapaslawan niya nga mahatagan ang ginahinyo ni Duterte sadtong panahon sang kampanya nga makaistorya siya ka gang masami nga pagkumparar sang Iloilo sa Davao City.
