Dakop ang isa ka lalaki matapos makuhaan sang ginapatihan shabu kag wala sang lisensya nga armas-luthang sa Sitio Simborio, Barangay Lantangan, Pontevedra, Capiz.
Ang nadakpan amo si alyas “Mak-Mak,” 40-anyos, ginakabig nga High Value Individual (HVI) kag residente sang Barangay Rizal, Pontevedra, Capiz.
Sa interview sang Bombo Radyo kay Police Captain Maria Fe Umiten, Officer-in-Charge sang Pontevedra Municipal Police Station, iya ginpahayag nga narekober sa paghakop sang arestado ang isa ka .38 caliber revolver kag apat kaplastic sang suspected shabu.
Suno pa kay Umiten, ang arestado ang isa ka anay drug surrenderee.
Sa subong, detained na ini sa Pontevedra Municipal Police Station kag magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002 kag Republic Act 10591 ukon Comprehensive Firearms and Ammunition Regulation Act.
