ROXAS CITY – Nagtaliwan na ang anay Ex-Officio Board Member kag Liga ng mga Barangay President sa banwa sang Panit-an nga si Lilia Demalata sa edad nga 81-anyos bangud sa cardiac arrest.
Ginpahayag sang anak sini nga si Wylor Demalata nga bulan sang Mayo sang ginpadangat sa ospital ang iloy agud mabulong ang ginasuprer nga balatian.
Matapos nag-ayo nakaguwa man sila sa ospital apang makaligad ang pila ka adlaw, liwat nga nagbalik sa ospital tobtob diri na ini nadulaan sang kabuhi.
Suno kay Wylor nga sa pihak sang nabatyag sa lawas nagatinguha pa ang iya iloy nga himoon ang iya obligasyon bilang public servant.
Apang nakasugtan nga patapuson na lamang sini ang iya nga termino kag maga-untat na sa pulitika agud mahatagan sang atensyon ang pamilya.
Ginlaragway ni Wilmor ang iloy nga mapinalanggaon sa pamilya kag mga apo, kalakip sa ila mga constituents sa Barangay Balatucan, Panit-an nga nagaupod karon sa kalisod sang ila pamilya sa pagtaliwan sang iya iloy.
Nahibaluan nga nangin 3 termer barangay kapitan sang Barangay Balatucan si Demalata kag 3 termer Liga ng mga Barangay President sang Panit-an.
