Malipayon nga ginpakigbahin ni Senator Christopher “Bong” Go subong nga Sabado nga nakaguha na sa ospital si anay Executive Secretary Salvador Medialdea nga pila ka adlaw man nga na-confine sa hospital sa The Hague, Netherlands.
Successful suno ang nangin medical heart procedure nga ginhimu kay Atty. Medialdea, apang kinahanglan danay niya nga magpabilin sa lugar sang anum ka semana bangud indi pa siya pwede nga magbyahe.
Nagpasalamat man ini sa mga pilipino nga nangamuyo kag padayon nga naga-ampo para sa dalayon nga pag-ayo sang anay executive secretary.
Kadungan sini, padayon nga nagpanawagan si Sen. Go nga ipangamuyo ang kaluwasan, kondisyon sa lawas, kag kahilwayan ni anay Presidente Rodrigo Duterte nga nakakulong sa ICC detention facility bangud sa gina-atubang nga kaso nga crimes against humanity.
Ginalauman ang proceedings sa palaabuton nga bulan sang Setyembre 2025.
