ROXAS CITY – Ginpasakaan na sang kaso nga graft ang anay gobernador sang Capiz nga si Vicente Bermejo sa Sandiganbayan matapos ang ginaalegar maanomaliya nga pagbakal sini sang apat ka mga salakyan sadtong 2007.
May nakita nga probable cause batuk sa anay gobernador ang Office of the Ombudsman bangud sa paglapas sini sa Section 3(e) sang Republic Act No. 3019 ukon Anti-Graft and Corrupt Practices Act.
Ba-se sa charge sheet nga ginpreparar ni assistant special prosecutor Jorge Espinal, nagbakal ang gobyerno probinsiyal sang Capiz sang tatlo ka Mitsubishi Pajero kag isa ka Isuzu Elf nga nagabalor sang P1.95 milyones gikan sa Philippine Pan Subic Ventures, Inc. nga wala nag-agi sa public bidding.
Nagpanindugan ang Ombudsman sa pagbakal sang nasambit nga mga salakyan kasubong nga gina-deprived ang gobyerno sang opurtunidad nga makakuha sang mas manubo nga presyo.
Nagaguwa sa imbestigasyon nga ang mga check payment sa pagbakal sang nasambit nga salakyan ang nakapangalan kay Bermejo sa baylo nga sa Philippine Pan Subic Ventures Inc.,
