Anay kabulig nga nagbuyagyag sa anay alkade sang Tapaz na utok sa pagpapatay nagsungka sa kapulisan

ROXAS CITY – Yara na sa kostodiya sang Capiz Police Provincial Office (CPPO) ang anay kabulig ni anay Tapaz Mayor Romualdo Exmundo Jr., matapos boluntaryo nga nagsungka sa mga pulis.
Personal nga ginpadulungan sang mga pulis gikan sa CPPO si Leomer Lapidez sa Barangay Fort San Pedro sa syudad sang Iloilo matapos nagpadala ng feeler nga magasungka na ini.
Suno kay Senior Superintendent Samuel Nacion ginpalab-ot sa iya ni Lapidez nga may nabaton na ini nga pamahog sa iya kabuhi rason nga nagdesisyon nga magsungka na lamang sa kapulisan.
Samtang nagapabilin nga mahipos si Lapidez angut sa ginbuyagyag sa social networking site nga facebook nga si Exmundo ang utok sa pagpapatay kay anay Tapaz Vice Mayor Victor Gardoce, magluwas diri gin-akusahan man ini nga bading.
Matandaan nga ginhangkat ni Exmundo si Lapidez nga pamatud-an ang mga alegasyon batuk sa iya kag atubangon ang kaso nga qualified theft nga ginpasaka sa iya.