ROXAS CITY – Ginpanindugan sa karon sang anay punong barangay sang Barangay Dinginan, nga wala ini nagpresentar nga sa iya itugyan sang gobyerno sang syudad ang mga bugas nga ipanagtag sa mga residente sang barangay.
Sa exclusive interview sang Bombo Radyo Roxas kay anay Kapitan Iluminado Corros, indi sini sala kun sa iya nagpalapit ang tinawo sang alkalde kag nagtugyan sang sinako nga bugas bilang bulig sa mga pumuluyo.
Apang ginklaro ni Corros ang gintugyan sa iya nga mga bugas ang para sa Sityo Centro, Barangay Dinginan.
Wala man ini sang nakita nga problema kun gintugyan sa iya ang bugas nga igabulig sang gobyerno sang syudad sa mga pumuluyo bangud ang mga katapu man City Social Welfare and Development Office ang magapanagtag sang bugas sa mga pumuluyo.
Apang nagpalab-ot lamang sang iya concern ang anay opisyal sang barangay angut sa ginaalegar pagkadula ukon pagkakas sang pangalan sang pamilya sang iya tiayon sa listahan sang mga BHW sang ila na ini ginsumiter sa barangay.
Suno kay Corros nga naluoy ini para sa mga BHWs bangud sila ang ginamulay sang mga tawo sa pagkadula sa listahan sang ila nga pangalan.
Samtang ginkumpirma naman sang BHW nga si Jocelyn nga nadula gid man ang pangalan sang pila ka mga household nga nga yara sa iya listahan nga gintugyan na sa barangay
