Padayon ang imbestigasyon sang Roxas Component City Police Station sa isa ka anay kapitan bangud sa ginapahayag pagdala sang armas luthang sa isa ka eskinita sa Brgy. VII, Roxas City.
Ang anay kapitan amo si alyas Lando kag residente sang nasambit nga lugar.
Sa interview sang Bombo kay Police Lieutenant Colonel Rogelio Tomagtang Jr., Officer in-Charge sang Roxas Component City Police Station, iya ginpahayag away sa duta ang ila ginalantaw nga anggulo rason ang nagdala ini sang armas luthang.
Suno kay Tomagtang, ginpadulungan sang mga kapulisan ang lugar apang wala na-recover ang armas-luthang nga makita sa video nga bitbit sang anay kapitan.
Sa subong, ginahibalo pa sang mga kapulisan kun bala lisensyado ang armas luthang nga bitbit sang opisyal sang barangay.
