-- ADVERTISEMENT --
ROXAS CITY – Boluntaryo nga nagsungka sa Cuartero Municipal Police Station, ang isa ka lalaki nga nagpakilala nga anay katapo sang Communist Terrorist Group (CTG).
Base sa impormasyon nga nakuha sang Bombo Radyo nagikan sa Cuartero Municipal Police Station, personal nga nagpadulong sa ila istasyon ang wala na ginhingadlan nga persona nga anay supporter sang rebelde nga grupo sa idalum sang Kahublagan sang mga Mangunguma kag Mamumugon sa Uma sa Capiz (KAMMACA) sadtong 2018 tubtob 2022.
Kadungan sang iya pagsungka, gin-surrender sini ang isa ka unit sang Caliber .38 revolver.
Sa karon, yara na ini sa paghinakop sang Cuartero MPS ang nasambit nga persona subong man ang armas luthang para sa nagakaigo nga disposisyon.
