Ginaduso ni former ACT Teachers Party-list Representative nga si France Castro nagapasanyog sang bug-os nga pagkuha sang confidential funds gikan sa tanan nga mga ahensya sang gobyerno, upod ang panawagan nga gamiton ang amo nga mga pondo sa mga serbisyo nga makabenepisyo sa publiko.
Sa interview sang Bombo Radyo kay Castro, iya ginpahayag nga ang pondo nga gintalana para sa confidential funds ang dapat gamiton na lang sa mga mayor nga programa sang gobyerno, lakip na ang edukasyon, ikaayong lawas, kag iban pa nga social services.
Suno kay Castro, ang pagdula sang confidential funds ang makabulig agud labi pa nga mapabaskog ang transparency kag accountability sa paggamit sang public funds.
Ang panawagan ang kadungan sang nagapadayon nga paghinun-anon sa isyu sang confidential funds sa tunga-tunga sang impeachment trial ni Vice President Sara Duterte, sa diin lakip sa mga artikulo sang impeachment amo ang ginaalegar misused sang confidential funds sang ini ang Secretary sang Department of Education.
Ginpanindugan man sang anay mamalidha nga sa baylo magpatigayon sang confidential funds ang dako nga pondo, gamiton ini sa mga programa nga direkta nga magasabat sa mga kinahanglanon sang mga Pilipino kag mapasanyog ang paghatag sang nagapanguna nga serbisyo sang gobyerno.
