Nagapati ang isa ka anay kongresista nga isa ka delaying tactics ang nagapadayon nga tension sa Senado.
Sa interview sang Bombo Radyo kay Former ACT Teachers Partylist Representative France Castro, iya ginpahayag nga sa baylo nga tutukan ang mga isyu nga dapat atubangon sang Senado, nagadugang lamang sang kontrobersiya ang nagalain-lain nga panindugan sang mga senador sa tunga sang nagapadayon nga diskusyon sa liderato kag direksyon sang institusyon.
Suno kay Castro, may mga indikasyon nga ang nagakalain-lain nga lihok sa Senado mahimo nga makaapekto sa dalagan sang impeachment process, nga isa sa mga pinakaimportante nga isyu nga ginapaabot sang publiko nga matalakay kag mahatagan sang nagakaigo nga aksyon.
Nagapanawagan naman ang natungdan sa mga senador nga unahon ang ila konstitusyonal nga responsibilidad kag likawan ang mga tikang nga mahimo magresulta sa dugang nga pagka-delay sang mga proseso nga may daku nga epekto sa pungsod.
