Nagpaguwa sang mabaskog nga pahayag sa iya social media si Cavite 4th District Representative Kiko Barzaga kadungan sang liwat nga pagbukas sang plenary session sang House of Representatives.
Sa iya post, gintawag sang kongresista nga “demonyo kag kawatan” ang pila ka mga miyembro sang Kongreso.
Gintawag man sini ang House of Representatives bilang isa ka “crocodile farm”.
Suno sa iya, wala man siya nagakabalaka sa posibilidad nga mapahalin bisan pa nga nagapangatubang siya sang ethics complaints.
Nagpabutyag man siya sang pagpamatok sa impeachment ni Vice President Sara Duterte sa diin ginpahayag sini nga wala ini sang bag-o nga basehan kag usik lang sang pondo sang gobyerno.
Matandaan nga una na nga ginsuspende si Barzaga bangud sa disorderly behavior may kaangtanan sa iya online posts.
