Anay miyembro sang communist terrorist group, temporaryo nga nagsungka sa Tapaz PNP

ROXAS CITY – Temporaryo nga nagsungka sa Tapaz PNP, ang ginapahayag anay miyembro sang Communist Terrorist Group.

Ang wala na ginhingadlan nga persona, ang personal nga nagpadulong sa Tapaz PNP agud liwat nga magbalik sa sabak sang gobyerno.

Nakuha sa posesyon sini ang (1) Pistolized 12 Gauge Homemade Shotgun nga wala sang bala.

Ini man ang pinaagi sa mas ginapasangkad nga Tokhang Kontra Armas Luthang sang mga otoridad.

Sa karun, yara na sa paghinakop sang Tapaz PNP ang amu nga persona, para sa nagakaigo nga disposisyon.