Boluntaryo nga nagsungka sa Sigma Municipal Police Station, ang isa ka lalaki nga nagpakilala nga anay katapo sang Communist Terrorist Group (CTG).
Sa nakuha nga impormasyon sang Bombo Radyo nagikan sa mga kapulisan, ang wala na ginhingadlan nga persona ang nagaserbe bilang aktibo nga miyembro sa idalom sang Igabon Platoon Central Front Komiteng Rehiyon-Panay sumugod sang tuig 1994 tubtob tuig 2022.
Dugang pa nga nagdesider ini nga magsungka sa otoridad kag untatan na ang pagsuporta sa rebelde nga grupo bangud nareyalisar sini nga madugay na ini nga ginatiplang sang NPA.
Kadungan sang iya pagsungka, ginsurrender man sini ang isa ka unit sang homemade 12-gauge shotgun kag tatlo (3) ka mga bala.
Sa karon, yara na sa paghinakop sang kapulisan ang nasambit nga armas-luthang kag persona para sa nagakaigo nga disposisyon.
