-- ADVERTISEMENT --
TAPAZ, CAPIZ – Boluntaryo nga nagsungka sa kapulisan sang Tapaz ang isa ka lalaki nga nagpakilala nga anay katapo sang Communist Terrorist Group (CTG).
Base sa impormasyon nga nagikan sa Tapaz Municipal Police Station, ginsiling sini nga nagpadulong sa ila istasyon ang wala na ginhingadlan nga persona nga ginapahayag nagsulod sa organisasyon sang tinalikdan nga tuig 2012 tubtob 2021 kag nagserbe bilang miyembro sang Baloy Platoon Squad 1, Central Front, KR-Panay.
Suno diri nga nagdesider nga magsungka sa otoridad kag untatan na ang pagsuporta sa rebelde nga grupo bangud nareyalisar sang surenderee nga madugay na ini nga ginatiplang sang NPA.
Sa karon, yara na sa paghinakop sang Tapaz PNP ang amo nga persona para sa nagakaigo nga disposisyon.
