-- ADVERTISEMENT --
Nagtaliwan na ang anay katapo sang Sugarpop nga si Vanessa Rangadhol sa edad nga 30 matapos nadisgrasya sa condominium nga iya ginatiniran sa Manila sang Agosto 19.
Ginkumpirmar sang iya pamilya ang masubo nga balita sa social media kag naghingyo sang privacy para sa iya iloy kag iban pa nga mga himata samtang nagapangasubo sila.
Wala pa napaguwa ang detalye sang aksidente kag ginahulat pa ang anunsyo sang pamilya angut sa iya wake kag funeral arrangements.
Si Rangadhol isa ka anay katapo sang Sugarpop, isa ka grupo nga gintukod gikan sa mga finalists sang singing competition nga Pop Star Kids sang 2005, upod sanday Julie Anne San Jose, Rita Daniela, Pocholo Bismonte kag Enzo Almario.
