ROXAS CITY – Balik-presuhan ang 36 anyos nga lalaki matapos nga naaresto sa ginpatigayon nga drug buybust operation sa Barangay Gabuan, Roxas City.
Ginkilala ang nadakpan nga si Dennis Concepcion, residente sang Barangay Culajao, sining siyudad.
Narekober sa drug suspek ang apat ka sachets sang shabu, P500 nga marked money, cellphone kag motorsiklo.
Ang nasambit nga operasyon ang ginkasa sang mga katapo sang Philippine Drug Enforcement Agency (PDEA) Capiz kag Station Drug Enforcement Team (SDET) sang Roxas City Police Station.
Nahibaluan nga naaresto naman sadtong tuig 2017 ang suspek bangud man sa pagduso sang ilegal nga droga apang nahilway ini pinaagi sa plea-bargaining agreement sadtong Enero 2019.
Samtang, hugot ang pagpanindugan ni Concepcion nga indi sa iya ang narekober nga mga ilegal nga droga kag gintawag sini nga ‘planted’ ang nasambit nga operasyon.
