PRESIDENT ROXAS – Natigayon nga madakpan na ang ginatudlo suspek sa pagpangluthang sa anay Barangay Kagawad sa Sitio Bungyod, Barangay Vizcaya, President Roxas.
Sa interview sang Bombo Radyo sa hepe sang President Roxas Municipal Police Station nga si Police Major Alfred De Leon, ginpahayag sini nga matapos ang insidente gilayon sila nga nagpatigayon sang hot pursuit operation.
Matandaan nga pilason ang biktima nga ginkilala kay Benedicto Flores matapos ginapahayag ginluthang sang suspek nga si Tirso Martinez ukon alyas “Kanunu” kag ginapahayag anay nga preso.
Suno kay De Leon, sa ila ginpatigayon nga imbestigasyon nagaguha nga anay nga hiligut-anon ang ginalantaw nga motibo sa pagpangluthang.
Posible man suno diri nga una na nga naghulat ang suspek sa dumpsite kung sa diin naga-obra ang biktima kag didto natigayon nga maluthangan ini gamit ang 12-gauge shotgun nga armas luthang.
Mahibaluan nadakpan si Martinez matapos nagapanago sa puluy-an sang ginikanan sang iya live-in partner.
Sa karon, estable na ang kahimtangan sang biktima matapos ginpadangat sa ospital kag sa karun yara na sa istable nga kondisyon ang biktima.
