ROXAS CITY – Ginkumpirma ni anay punong barangay Manuel Bongbong Aninang sang Barangay Olotoyan sining siyudad nga naghalin na ini bilang pinuno sang Bantay Dagat Task Force Roxas City kalakip na ang 12 ka mga tinawo sini sadtong Hunyo 5, 2019.
Suno kay Aninang nga pagkatapos sang eleksyon sang Mayo 13 sang nagdaog si Mayor Ronnie Dadivas kag nalutos si mayoralty candidate Romel Lastimoso ginapaabot na sini nga ilisan na siya sang bag-o nga chief sang bantay dagat task force sang bag-o nagpungko nga alkalde rason nga sang bulan sang Mayo tubtob Hunyo wala na naga-operate ang ila grupo.
Dugang pa sini nga wala naman sila nagabaton sang sweldo gikan sa city government.
Samtang gilayon man nila ginsurrender ang tatlo ka mga sakayan sang bantay dagat task force sa City Agriculture’s Office.
(PHOTO FROM WEB)
