Ginpasidunggan sang 3rd Infantry Division (3ID) si Eduardo Linogon Jr., anay katapo sang New People’s Army (NPA) bilang Outstanding Citizens Armed Forces Geographical Unit (CAFGU) Active Auxiliary (CAA) of the year bangud sa iya pagkabaganihan kag pagkamainunungon bilang kabahin sang 79th Infantry Batalion Sagay City.
Si Linogon, 33-anyos, isa ka anay rebelde nga nagsungka sadtong 2023 kag karon naka-assign sa Barangay Caduhaan, Cadiz City bilang CAA.
Nangin importante siya nga bahin sang operasyon batok sa nabilin nga mga katapo sang NPA sa syudad sang Escalante sang Pebrero 2024, sa diin bisan napilasan siya, nagbulig siya sa pag-neutralize sang tatlo ka mga rebelde kag pagkuha sang 20 ka mga armas.
Nadawat niya ang pasidungog ni Maj. gen. Michael Samson sang 3ID sa seremonya sa Camp Peralta, Jamindan, Capiz sadtong Abril 21.
Suno sa 79IB, daku nga bulig sa mga operasyon militar ang eksperyensya kag ihibalo ni Linogon sa hublag. Si Linogon ang nangin ikaduha nga asud-asod nga CAFGU halin sa 79IB nga nahatagan sang nasambit nga pasidungog.
