Ginpamatud-an ni Erwin Valmoria Macua, anay security guard sang St.Theresa’s College sa Cebu City, nga wala sang imposible para sa isa ka tawo nga determinado nga malab-ot ang iya mga handum.
Napilitan si Macua nga mag-untat sa pagtuon sang Civil Engineering sang 1997 bangud sa kakulang sang finacial, kag sang 2000 nagtrabaho siya bilang security guard sa amo man nga eskwelahan.
Sang 2013, nagbalik ini sa eskwelahan kag natapos ang iya Bachelor of Elementary Education samtang nagapadayon sang iya full-time nga trabaho bilang security guard.
Sa pihak sang kakulang sang tulog kag responsibilidad sa iya asawa kag tatlo ka kabataan, nangin consistent nga Dean’s Lister si Macua kag naggraduate nga cum laude antes nakapasar sa LET sang 2017.
Sang 2018, ginkuha siya sang St. Theresa’s College bilang isa ka manunudlo sa grade school, kag ang mga estudyante kag mga ginikanan nga nagatawag sa iya sadto nga “Kuya Guard” nagatawag na sa iya subong nga “Sir.”
