Anay soldado, gintiro-patay sa banwa sang Maayon, Capiz

Patay ang anay miyembro sang Philippine Army matapos gintiro-patay sang wala pa makilala nga suspek sa Barangay Indayagan, Maayon, Capiz.

Ginkilala ang biktima nga si Ricardo Bornales, 58-anyos nga anay suldado apang nag-awol sa serbisyo.

Sa pagpangusisa sang Bombo Radyo sa Maayon PNP nga samtang nagapanyapon ang biktima kaupod sa iya nga live-in partner hinali lang sila makabati sang asod-asod nga lupok sang pusil.

Ginkakibot sang gina-upod sini sang makita nga nagahigda na si Bornales kag duguon nga may igu sang bala sa likod kag naglapos pa sa iya nga dughan.

Ginhingagaw pa nga gindala sa ospital ang biktima apang gindeklarar nga dead on arrival.

Padayon pa ang imbestigasyon sang mga otoridad kag ginahibalo na ang motibo sang krimen.