Sunud-sunod nga naangkon sang anay top team sa NBA nga Cleveland Cavaliers ang apat nga pagkapiyerde, pang-ulihi diri ang 11-point loss nga naangkon sa kamay sang Phoenix Suns.
Wala nakabawi ang Cavs sa 11-point deficit nga naangkon sini sa una nga tunga nga bahin sang hampang kontra Suns sa pihak sang agresibo nga opensa sa 4th quarter.
Dalayon nga gintapos sang Suns ang hampang sa score nga 123 – 112 sa pagpanguna ni Kevin Durant nga naghimo sang 42 big points.
Una nga gintapos sang Orlando Magic ang 16-game winning streak sang Cavs, pila ka adlaw na ang nakaligad.
Ginsundan ini sang Los Angeles Clippers, 132 – 119.
Pangatlo amo ang 123 – 119 nga pagkapiyerde sa kamot sang Sacramento Kings.
Sa kasalukuyan, hawid na sang Oklahoma City Thunder ang pinakamanami nga record sa subong nga season, 58 – 12; samtang nagnubo naman sa ikaduha nga pwesto ang Cavs matapos ang apat nga magkasunod nga pagkapiyerde.
Kasubong man, nagapabilin sa gihapon ini nga top team sa East, hawid ang iskor nga 56 – 14.
Masunod sini nga makuntra amo ang Utah Jazz, ang pinaka-ulihi nga team sa Western Conference.
