ROXAS CITY – Nagapabilin sa costodial facility sang Roxas City Police Station ang 56-anyos nga tricycle driver nga anay traffic auxiliary matapos ginaalegar nagpanumbag sang kasubong sini nga driver sa San Roque Extension Barangay VIII, Roxas City.
Nagaguha sa imbestigasyon sang Roxas City PNP nga samtang ginasubay ni Hector Arapan sang Barangay Mongpong, Roxas City ang dalanon nakadungan sini ang tricycle nga ginamaneho ni Raymond Noninato Tejada 54-anyos sang Barangay Tiza, Roxas City.
Ginaalegar nga nakaangkon sang indi pag-intiendihanay ang duha ka mga drivers matapos nga hinali lamang nga nagpondo si Tejada para magpick-up kuntani sang pasahero.
Bangud diri, wala gilayon nakaagi ang tricycle ni Arapan nga ginkaakig sang naulihi rason nga nagpanaug ini sa tricycle kag nagpalapit kay Tejada kasunod ang ginaalegar pagsumbag diri.
