Ginpaandaman ni anay Vice President Leni Robredo ang publiko natuhoy sa nagalapta nga fake number nga nagapangayo sang donasyon para sa mga biktima sang bagyong Kristine.
Suno kay Robredo, isa lang ang iya personal nga numero kag wala man ini nagagamit sang messenger.
Gin-athag man sang anay bise presidente nga ang ila Angat Buhay ukon Naga Team ang wala nagabaton sang cash donation bilang kabahin sang ila polisiya sa usapin sang transparency.
Dugang pa ni Robredo nga ang ‘Kaya Natin’ movement group lamang ang ila gina-otorisa nga nagabaton sang cash donations para sa ila bilang kabahin sang transparency and accountability.
Ginpaandaman man sini ang publiko nga indi magpati sa mga nagapakuno-kuno bilang Leni Robredo ukon miyembro sang Angat Buhay.
