Nagdaog sa iya nga comeback fight si Jerwin Ancajas matapos nga ma-disqualified ang kontra sini nga si Sukpraserd Ponpitak sang Thailand.
Nahibaluan nga gin-untat sang referee sa ikalima nga round sa sulod sang 2:34 sang gintulod ni Pontipak si Ancajas sa hampang nga ginhiwat sa syudad sang Mandaluyong.
Sa mga una nga round, ginpaandaman na sang referee ang Thai boxer apang wala ini nagpamati gani ginpauntat ang hampang.
Ginbuhinan na sang puntos ang 36-anyos nga si Pontipak kag ini man ang ika-20 nga paglapiyerde sa iya nga karera.
Sumugod sa umpisa, nangin agresibo nga si Ancajas kun sa ginpatumba niya ang beterano nga si Pontipak.
May yara na sang 35 nga kadalag-an, apat ka piyerde kag duha ka draw nga may 23 knockouts si Ancajas.
Ini ang una nga daog niya matapos ang pito ka bulan sang ginlutos ini ni Takuma Inoue sa Japan.
