Nagpaguwa na sang pahayag ang aktres nga si Andrea Brillantes angut sa isyu nga indi pag-intindihanay sa tunga niya kag sang iya suod nga abyan nga si Bea Borres, matapos nga natalupangdan sang mga netizens ang ila isyu sa social media.
Suno kay Andrea, nagapati siya nga nagsugod ang kontrobersiya pagkatapos nga nagbilin siya sang komento sa isa ka TikTok post nga wala niya ginapaabot nga makakuha sang tuman nga atensyon.
Matandaan nga una nga nagpaguwa sang pahayag si Bea sa isa ka vlog nga gin-block niya si Andrea agud indi makita sang aktres ang content sang iya anay nobyo nga si Meray Yamada nga amay man sang iya bata.
Ginkumpirma man Andrea, nag-istoryahanay sila ni Bea agud maklaro ang ila indi paghangpanay kag maayo ang sitwasyon sa tunga nila.
Apang, wala naghatag sang dugang nga detalye ang aktres nahanungod sa ila pribado nga paghambalanay, apang ginpahayag sini nga ang ila pag-abyanay nagapabilin nga importante sa iya.
