Wala anay sang pasabog ang aktres nga si Andrea Brillantes para sa Halloween subong nga tuig.
Madamo suno diri ang naghulat sa iya nga Halloween costume kag nagpamangkot kun ano ang gimik niya this year.
May mga nagalaum pa nga makit-an siya sang iya mga fans sa Halloween party bangud masami ini nga may entry.
Apang waley kag literal nga gin-ghost niya ang iya fans bangud out of the country siya sa karon base sa haum-haom sang netizens nga yara ini sa Switzerland.
Kaangay nga nakiuso ini sa trend bangud madamo subong ang nagalikaw na sa atensyon. “Less is more” suno pa sa mga netizen.
Matandaan nga masami nga ginasumsuman sang bashers si Andrea kag ginabantayan ang hulag sini.
Ulihi ini nga na-bash sang GUTS concert sang Filipino-American nga si Olivia Rodrigo sa Philippine Arena nga gin-akusaran siya sang kun anu-ano.
Apang sa karon kasubong nga mas enjoy ini sa pag-travel rason nga malinong ini.
