Ginbun-ag na ni Angeline Quinto ang ikaduwa nila nga anak sang iya asawa nga si Nonrev Daquina.
Sa social media account sang management nga KreativeDen Entertainment, ginpakigbahin ang pagbun-ag ni Angeline sa iya anak sadtong Agosto 14 alas 8:10 sang aga sa St. Luke’s Medical Center – Global City.
May kabug-aton ang bata sini nga babaye nga 6.3 pounds kag ginpangalanan nila nga si Azena Sylvia.
Ginsunod sang singer ang pangalan sang iya nga adoptive mother nga si Mama Bob nga ang matuod nga pangalan amo si Sylvia Quinto nga nagtaliwan sadtong Nobyembre 2020.
Sadtong nakaligad nga bulan sang Mayo, gin-anunsiyo sang singer ang iya pagbusong isa ka bulan matapos nga ikasal ang mag-asawa sadtong Abril sa simbahan sang Quiapo.
Si Angeline kag Nonrev ang may una nga anak nga si Sylvio nga ginbun-ag sadtong Abril 2022.
