Nagpahanumdom ang animal welfare group sa paghatag sang atensyon sa hinuptanan nga sapat kadungan sang Paskwa kag Bag-ong Tuig.
Sa interview sang Bombo Radyo kay Belle Maestro, Founder sang Silong Roxas ,iya ginpahayag nga ang mga kasapatan kaangay sang kuring kag ido ang kasubong isa ka bata nga gamay nga kinahanglan sang pag-atipan.
Suno kay Maestro, kinahanglan bantayan ang mga pagkaon ilabi na ang mga handa sa noche Buena kag media noche kaangay sang chocolate, mga matul-an kag matambok nga pagkaon kag mga ilimnon nga toxic sa lawas sang mga sapat.
Bantayan man ang mga decorations kag Christmas lights nga mahimo makagat kag makatuga sang electric shock sa mga hinuptanan.
Pahayag pa niya, importante man nga i-manage ang stress kag anxiety sa mabaskog nga musika kag mga palupok bangud sensitive ang dilunggan sang kasapatan kun ikumpara sa mga tawo gani mas maayo nga ibutang sila sa lugar nga malayo sa gahod.
Dugang pa sang natungdan, mangin responsible nga pet owner subong nga holiday season bangud ang mga hinuptanan nga sapat ang kaangay sang tawo, may yara man sang balatyagon.
