ROXAS CITY – Nag-negatibo sa coronavirus disease (COVID-19) ang anom ka mga Persons Under Investigation (PUI’s) nga naka-hospital quarantine sa probinsiya sang Capiz.
Ini ang base sa ginpaguwa nga official statement sang Capiz Provincial Health Office (PHO).
Mahibaluan nga nag-negatibo sa SARS-CoV-2 nga causative agent sang COVID-19 ang nasambit nga mga persona.
Ang nasambit nga mga indibidwal ang ginalakipan sang 67 anyos nga lalaki nga may history of travel sa Marikina City; 52 anyos nga babaye nga may history of travel sa Makati City; 25 anyos nga babaye nga may history of travel sa Taguig City; 28 anyos nga lalaki nga may history of travel sa Sampaloc, Manila; 44 anyos nga babaye nga may history of travel sa Sta. Cruz, Manila kag 62 anyos nga babaye nga may history of travel sa Metro Manila.
Bangud diri, nagapabilin pa nga hilway sa COVID-19 ang bilog nga probinsiya sang Capiz.
