Hugot nga ginasuportahan sang Capiz Police Provincial Office ang pagpatuman sang Anti-Epal Policy sang Department of Interior and Local Government (DILG).
Sa interview sang Bombo Radyo kay Police Major Rachelle Garnica, Public Information Officer sang Capiz Police Provincial Office, iya ginpahayag nga ang nasambit nga Memorandum Circular No. 2026-006 ukon Anti Epal Policy sang Department of Interior and Local Government (DILG) ang nagabawal nga magbutang sang pangalan sang opisyal sa bisan ano nga government-funded projects ukon programa.
Suno kay Garnica, nagapatigayon man sang monitoring ang ila nga talatapan sa mga istasyon sa probinsya sang Capiz agud masiguro nga ang tanan magasunod sa amo nga provision.
Pahayag pa niya, ang sin-o man nga maglapas ang may yara sang penalidad kag posible nga pasakaan sang administrative case.
Nagpasalig man ang natungdan nga mangin tampad ang tanan nga kapulisan sa pagpangalagad kag pagserbisyo sa publiko.
