Nagresulta sa kinagamo kag engkwentro sa tunga sang mga nagaprotesta kag kapulisan, ang malapnagon nga anti-G7 protest sa Geneva, Switzerland.
Ginabulubanta nga 20,000 ka mga tawo ang nagpasakop sa rally, kon sa diin ginsunog sang pila ka mga raliyista ang mga salakyan kag gin-vandalize ang mga buildings lakip na ang mga opisina sang United Nations kag pribado nga mga establisyemento
Naghaboy man sang mga botelya, bato, kag mga palupok ang iban nga mga demonstrador batok sa mga kapulisan.
Nagbalos naman ang Swiss riot police gamit ang tear gas kag water cannon, samtang pila naman ka mga tawo ang ginpangdakop.
Nag-deploy man ang Switzerland sang 4,000 ka mga soldado samtang nagapadayon ang mga protesta batok sa mga polisa sang G7 kag iban pa nga mga isyu sa bug-os nga kalibutan.
