Gin-aprubahan na sang House of Representatives sa Third and final reading ang House Bill No. 8389 ukon ang “Anti-Political Dynasty Act” nga nagatuyo nga dumilian ang dungan nga pagpadalagan ukon pagpungko sa gobyerno sang mga himata ukon magpamilya.
Sa boto nga 271-16 kag 7 abstention, ginpasar ang makasaysayan nga electoral reform bill nga nagatuyo nga ipatuman ang Section 26, Article II sang 1987 Constitution nga madugay na nga ginahulat.
Sa idalom sang proposal, ang mga mag-asawa kag mga himata tubtob sa ikaduha nga degree sang consanguinity ukon affinity ang ginadumilian sa dungan nga pag-uyat ukon pagpadalagan sa pwesto sa pareho nga jurisdiction, halin sa lokal tubtob sa pungsodnon nga lebel.
Ginakabig ini nga importante nga tikang sa election reform nga nagatuyo nga mapabaskog ang patas nga oportunidad sang pulitika sa pungsod.
